ស្ថានីយផែពហុបំណង
ចំណតផែពហុបំណង គឺជាគម្រោងអាទិភាពមួយដែលត្រូវបានកសាងឡើងដើម្បីជួយជម្រុញដល់វិស័យកសិកម្ម កសិឧស្សាហកម្ម ឧស្សាហកម្ម ពាណិជ្ជកម្ម និងជាពិសេស ការនាំចេញនូវកសិផលរបស់កម្ពុជា ដូចជាចំណិតដំឡូងមីស្ងួត ទំនិញរាយ និងដើម្បីឆ្លើយតបទៅនឹងយុទ្ធសាស្ត្រពង្រីកទីផ្សារនាំចេញអង្កររបស់រាជរដ្ឋាភិបាលនិងផ្តល់សេវាភស្តុភារដល់ការរុករកប្រេង ក្នុងដែនសមុទ្រកម្ពុជាក៏ដូចជាសម្រាប់ការរីកចំរើនលូតលាស់នៃសេដ្ឋកិច្ចរបស់ប្រទេសកម្ពុជា ។
១. សម្បទាសំខាន់ៗរួមមាន៖
- ចំណតផែពហុបំណងប្រវែង ៣៣០ម និង ជម្រៅទឹក -១៣,៥ម
- ចំណត ផែសម្រាប់មូលដ្ឋានផ្គត់ផ្គង់ការរុករកប្រេងប្រវែង ២០០ម ជម្រៅទឹក -៧,៥ម
- ឃ្លងនាវា ជម្រៅ -១២ម, ប្រវែង ៣.៩០០ម ទទឹង ១៥០ម និងបរិមាណសរុប ១.៨០០.០០០ម៣
- ទីលានស្តុកទំនិញរាយ ទំហំ២៨.០០០ម២
- ទីលានស្តុកធ្យូងថ្មទំហំ ១៣.០០០ម២ និងទីលានទំនិញទូទៅទំហំ ១៤.០០០ម២ ព្រមទាំងឋបនីយភណ្ឌផែសំខាន់ៗមួយចំនួនទៀត ។
គម្រោងនេះ បានប្រើប្រាស់ប្រាក់កម្ចីសម្បទាន (JICA) ជប៉ុន និង បានចាប់ផ្តើមដំណើរការសាងសង់នៅដើមខែមករាឆ្នាំ ២០១៥ ដោយគ្រោងបញ្ចប់នៅខែកក្កដា ឆ្នាំ ២០១៧ ។
