កិច្ចប្រជុំគណៈកម្មការសម្របសម្រួល (JCC) លើកទី ១ នៃគម្រោងអភិវឌ្ឍន៍សមត្ថភាពប្រតិបត្តិការ និងគ្រប់គ្រងចំណតផែកុងតេន័រ
នៅវេលាម៉ោង ៣:០០ រសៀលថ្ងៃពុធ ១០រោច ខែពិសាខ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី០៩ ខែឧសភា ឆ្នាំ២០១៨ ឯកឧត្ដម លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ បានរៀបចំកិច្ចប្រជុំគណៈកម្មការសម្របសម្រួល (JCC) លើកទី ១ នៃគម្រោងអភិវឌ្ឍន៍សមត្ថភាពប្រតិបត្តិការ និងគ្រប់គ្រងចំណតផែកុងតេន័រនៅ កំពង់ផែស្វយ័តក្រុងព្រះសីហនុ (ដំណាក់កាលទី២) ។ អង្គប្រជុំនេះ មានការចូលរួមពីឯកឧត្តម ចាន់ តារា អគ្គនាយក អគ្គនាយកដ្ឋានផ្លូវទឹក ដឹកជញ្ជូនសមុទ្រ និងកំពង់ផែ ក្រសួងសាធារណរការនិងដឹកជញ្ជូន, លោក Atsushi Hirose លេខាទី២ ស្ថានទូតជប៉ុន, និងលោក Kotaro Tanaka អនុប្រធានការិយាល័យ JICA តំណាងនៅកម្ពុជា ព្រមទាំងអ្នកបច្ចេកទេស JICA ផងដែរ ។
