នាវាចម្បាំងកងទ័ពជើងទឹកប្រទេសរុស្សីចំនួន ០៣ គ្រឿង បានចូលចតនៅកំពង់ផែក្រុងព្រះសីហនុ
វេលាម៉ោង ២:០០ រសៀលថ្ងៃអង្គារ ៨កើត ខែជេស្ឋ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី២២ ខែឧសភា ឆ្នាំ២០១៨ នាវាចម្បាំងកងទ័ពជើងទឹកប្រទេសរុស្សីចំនួន ០៣ គ្រឿង នាវាទី ០១ ឈ្មោះ Admiral Vinogradov, នាវាទី ០២ ឈ្មោះ Adimral Tribus លេខ៥៦៤ និងនាវាទី ០៣ ឈ្មោះ Pechem Kolpashikov បានចូលចតនៅកំពង់ផែក្រុងព្រះសីហនុ ។ នៅអំឡុងពេលសំចតរបស់នាវាកងទ័ពជើងទឹករុស្សីនៅកំពង់ផែស្វយ័តក្រុងព្រះសីហនុ ឯកឧត្ដម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ បានអនុញ្ញាតិអោយ Mr. Oleg KOROLEV, Captain (Navy) រួមទាំងសហការី បានចូលជួបសំណេះសំណាល និងសំដែងការគួរសម ៕
