ដំណើរទស្សនកិច្ចរបស់ លោកសាស្ត្រាចារ្យបណ្ឌិត MORICHI Shigeru អ្នកប្រឹក្សាជាន់ខ្ពស់សម្រាប់ការស្រាវជ្រាវ នៃវិទ្យាស្ថានស្រាវជ្រាវដឹកជញ្ជូន និងទេសចរណ៍ជប៉ុន
កំពង់ផែស្វយ័តក្រុងព្រះសីហនុ (កសស) ៖ នាវេលាម៉ោង ១១ ព្រឹក ថ្ងៃពុធ ១៤ រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦ នៅសាលប្រជុំតូច កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ កសស បានទទួលស្វាគមន៍ ដំណើរទស្សនកិច្ចរបស់ លោកសាស្ត្រាចារ្យ បណ្ឌិត MORICHI Shigeru អ្នកប្រឹក្សាជាន់ខ្ពស់សម្រាប់ការស្រាវជ្រាវ នៃវិទ្យាស្ថានស្រាវជ្រាវដឹកជញ្ជូន និងទេសចរណ៍ជប៉ុន (JTTRI) និងជាសាស្ត្រាចារ្យ នៃវិទ្យាស្ថានបច្ចេកវិទ្យាតូក្យូ សកលវិទ្យាល័យ តូក្យូ និងវិទ្យាស្ថានឧត្តមសិក្សាជាតិ សម្រាប់ការសិក្សាគោលនយោបាយ (GRIPS), លោក ICHIGUCHI Tomohide អគ្គនាយក នាយកដ្ឋានវិស្វកម្មហេដ្ឋារចនាសម្ព័ន្ធ ទីស្នាក់ការកណ្តាលនៃទីភ្នាក់ងារ JICA និងអមដំណើរដោយ លោក SANUI Kazamasa ប្រធានការិយាល័យទីភ្នាក់ងារសហប្រតិបត្តិការអន្តរជាតិជប៉ុនប្រចាំប្រទេសកម្ពុជា ក្នុងគោលបំណងផ្លាស់ប្តូរយោបល់ទៅលើការអភិវឌ្ឍវិស័យឡូជីស្ទីក និងកំពង់ផែរបស់កម្ពុជា ក៏ដូចជា ពិភាក្សាអំពីវឌ្ឍនភាព និងទិសដៅនាពេលអនាគត នៃការអភិវឌ្ឍកំពង់ផែ និងហេដ្ឋារចនាសម្ព័ន្ធ នៅ កសស
