ដំណើរទស្សនកិច្ចរបស់ គណៈប្រតិភូ ចំនួន ២០ រូប នៃក្រសួងសាធារណការ និងដឹកជញ្ជូន នៃសាធារណរដ្ឋប្រជាធិបតេយ្យប្រជាមានិតឡាវ មកកាន់កំពង់ផែស្វយ័តក្រុងព្រះសីហនុ
កំពង់ផែស្វយ័តក្រុងព្រះសីហនុ (កសស) ៖ នាវេលាម៉ោង ៤ រសៀល ថ្ងៃអង្គារ ១០ រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមេសា ឆ្នាំ២០២៥ នៅសាលប្រជុំតូច កសស លោក ថោង វីរ៉ូ អគ្គនាយករង ទទួលបន្ទុក រដ្ឋបាល-គ្រប់គ្រង តំណាង ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ កសស បានទទួលស្វាគមន៍ ដំណើរទស្សនកិច្ច គណៈប្រតិភូ ចំនួន ២០ រូប នៃក្រសួងសាធារណការ និងដឹកជញ្ជូន នៃសាធារណរដ្ឋប្រជាធិបតេយ្យប្រជាមានិតឡាវ ដឹកនាំដោយ លោក Chanthasack BOTTAPHANITH អគ្គនាយករង នៃអគ្គនាយកដ្ឋាន ផែនការ និងហិរញ្ញវត្ថុ នៃក្រសួងសាធារណការ និងដឹកជញ្ជូន នៃសាធារណរដ្ឋប្រជាធិបតេយ្យប្រជាមានិតឡាវ និងមានការអមដំណើរពីមន្ត្រី នៃក្រសួងសាធារណការ និងដឹកជញ្ជូន កម្ពុជា ក្នុងគោលបំណងស្វែងយល់អំពី ការរៀបចំផែនការយុទ្ធសាស្ត្រក្នុងវិស័យសាធារណការ និងការអភិវឌ្ឍវិស័យដឹកជញ្ជូន និងពង្រឹងការតភ្ជាប់ក្នុងតំបន់
