យើងខ្ញុំសូមថ្លែងអំណរគុណ ចំពោះលោកអ្នកដែលបានជ្រើសរើស កំពង់ផែស្វយ័តក្រុងព្រះសីហនុ ជាដៃគូរក្នុងការប្រកបរបរអាជីវកម្ម ។ ដើម្បីក្លាយជាមជ្ឈមណ្ឌលចែកចាយឈានមុខគេនៅព្រះរាជាណាចក្រកម្ពុជា ស្របតាមចក្ខុវិស័យរបស់ខ្លួន កសស បាននឹងកំពុងខិតខំបង្កើនគុណភាពសេវាកម្មអោយកាន់តែប្រសើរឡើង តាមរយៈការបំពាក់បន្ថែមនូវគ្រឿងចក្រទំនើបៗ ការពង្រឹងសមត្ថភាព និយោជិតកម្មករ ព្រមទាំងការបំពាក់ប្រព័ន្ធស្វ័យប្រវត្តិ សំដៅបង្កើនល្បឿនប្រតិបត្តិការ និងកាត់បន្ថយហានិភ័យនានា ក៏ដូចជាពេលវេលារបស់អតិថិជន និងអ្នកប្រើប្រាស់ផែ ។
មានទីតាំងភូមិសាស្ត្រ ស្ថិតនៅចំណុចយុទ្ធសាស្ត្រតាមបណ្ដោយ ឆ្នេរសមុទ្រ នៃព្រះរាជាណាចក្រកម្ពុជា កសស មានសក្ដានុពលប្រសើរជាងគេ ស័ក្កិសមសម្រាប់កំពង់ផែទឹកជ្រៅ ដោយមានទីតាំងស្ថិតនៅជិតខ្សែសមុទ្រទឹកជ្រៅ ចំណាយតិចបំផុតក្នុងការធ្វើប្រឡាយនាវាចូលចត និងពុំចាំបាច់ចំណាយសម្រាប់ការបូមស្ដារជាប្រចាំ ... [read more]
ចក្ខុវិស័យ
អភិវឌ្ឍទៅជាកំពង់ផែសមុទ្រទឹកជ្រៅប្រកបដោយប្រសិទ្ធភាព និង ជវភាពដើម្បីចូលរួមចំណែកធ្វើឲ្យប្រសើរឡើងនូវវិស័យឡូជីស្ទីកសម្រាប់ព្រះរាជាណាចក្រកម្ពុជា។
បេសកកម្ម
• អភិវឌ្ឍស្របតាមគោលនយោបាយរាជរដ្ឋាភិបាល
• បង្កើនគុណភាពសេវាកម្ម តាមរយៈកិច្ចសហការយ៉ាងជិតស្និទ្ធ ជាមួយអ្នកប្រើប្រាស់ផែការធ្វើទំនើបកម្មគ្រប់គ្រងកំពង់ផែ និងការអភិវឌ្ឍធនធានមនុស្ស ស្របតាមនវានុវត្តន៍អន្តរជាតិ
• សហការជាមួយដៃគូរអភិវឌ្ឍន៍ សិក្សា និងឆ្ពោះទៅការកសាងផែទឹកជ្រៅ ស្របតាមទស្សនវិស័យ និងកំណើនកុងតែន័រឆ្លងកាត់
• ជម្រុញនិងពង្រឹងគោលការណ៍ ជាកំពង់ផែសម្រាប់ទាំងអស់គ្នា។
គុណតម្លៃ
• ទីតាំងភូមិសាស្រ្តល្អបំផុត
• ការបំពេញចិត្តជូនអតិថិជន
• ភាពបរិសកម្ម និងនវានុវត្តន៍
• សុចរិតភាព និងគណនេយ្យភាព
• ភាពរួសរាយរាក់ទាក់ និងការគោរព
• ការងារជាក្រុម និងគុណភាពសេវាកម្ម
• ភាពជឿទុកចិត្ត និងអាចនិទស្សន៍បាន
