ឯកឧត្តម លូ គឹមឈន់ បាននាំយកថវិកាទៅឧបត្ថម្ភជូនដល់កម្មករ កម្មការីនី ដែលកំពុងសំរាកព្យាបាលរបួសនៅមន្ទីរពេទ្យបង្អែកខេត្ត
នៅព្រឹកថ្ងៃទី ០២ ខែមិនា ឆ្នាំ ២០១៦ ឯកឧត្តម ជាម ហុីម ប្រធានក្រុមប្រឹក្សាខេត្ត ឯកឧត្តម យន្ត មីន អភិបាលនៃគណៈអភិបាលខេត្ត និង ឯកឧត្តម លូ គឹមឈន់ ប្រធាន សាខាកាកបាទក្រហមខេត្តព្រះសីហនុ និងជាប្រតិភូរាជរដ្ឋាភិបាល កម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ បានដឹកនាំមន្ត្រីនាំយកថវិកាទៅឧបត្ថម្ភជូនដល់កម្មករ- កម្មការីនី ដែលកំពុងសំរាកព្យាបាលរបួសនៅមន្ទីរពេទ្យបង្អែកខេត្ត និងតាមគ្លីនិកឯកជន ដោយសារគ្រោះថ្នាក់ចរាចរណ៍រថយន្ត ៦គ្រឿង បុកប៉ះគ្នាកាលពីយប់មិញនៅចំណោតអូត្រាវ ខេត្តព្រះសីហនុ។ក្រៅពីនេះប្រជាពលរដ្ឋអ្នកជម្ងឺផ្សេងៗទៀតក៍ទទួលបានការឧបត្ថម្ភខ្លះផងដែរ ។
